2Cor 9 | ATA | STEP | Manina lexe eni umomomo sou akaukavu ulai noxinge sou iaiama ne mulai noxi'a ta mitema noxou Lataua ne Ielusalemu ne uasi.

a 9:12Ko 8:1-7

b 9:6Xav 11:24-25

c 9:9Lex 112:9

d 9:10Ais 55:10

e 9:112Ko 1:11, 4:15

2 Corinthians 9

1 ^aManina lexe eni umomomo sou akaukavu ulai noxinge sou iaiama ne mulai noxi'a ta mitema noxou Lataua ne Ielusalemu ne uasi. 2 Xo eni elavusou masaxa pekia'u noxinge sou su'uli ne mo eni etoongenge mulai noxi'a ta Makedonia, ea'aloi'a lexe no anu tauu lele'e ane mukalu 'o, ngingi ne Akaia ne ngeloo sou ngaitinu su'uli. Tangengi ialuxu ne muavutinoxu xavutalai'a tapiena sou i'oxonu. 3 Ia eni apalusi'a ta vivixe mo sou iitingengi noxixe singe sou mii ane 'o ne uxali xalusousi mamu, ia laixe sou ngingi ngaloo sou nga'oxo iaiama, loxo eni evikalane'i ta Makedonia sou lexe ngingi nga'oxonu. 4 Xo lexe ta mitema se'i ne Makedonia noxi'a tane'e xe ixalisinge no mine ngaxolu ngaloo sou nga'oxo iaiama uasi, la nexi tavikala vilesinge uasi nexi tamaela xe ngingi kalumo ngamaela xo nexi teloopala pekia'u mu'oki noxinge. 5 La sou eni exavutala pekia'u sou apalusi'a ta vivilo 'o mo sou ilai imaisinge tei mo ikalusou xaixai sou imomomo sou iaiama ane ngingi ngesakii vaikalasou. La sou ngaitiu no 'a masaxa noxinge maninasou ia ngaitiu no 'a masaxa noxi'a ta mitema uasi.

Toutou Maninasou

6 ^bNgaxavutalanu mii ano 'o. 'Ena'ei ane utotou kitu'asi la ukokoli kitu'asi kalumo, xe 'ena'ei ane utotou u'oki la ukokoli tapiena kalumo. 7 Mitema vilevilesi ne laixe lexe uitiu mii ma'ia ane tanu muvikala lexe sou uitiu, ia loxo no anu masaxa mo 'ilixo sou opo manina ia no 'a xavutala tamei uasi, mo no 'a masaxa noxou itema uasi. Xo Lataua umasaxau mitema ane u'osa sou uitiu mii. 8 Mo Lataua ne mumomomo sou u'oxonu alauna ukalusi ne u'ana'ana noxinge, mo sou no anu mimii ukalusi utotomu ne nganono'u mimii ukalusi ane ngingi ngaxaliliou, mo sou nga'ana'ana no anu xaixai ane lailaixe. 9 ^cAloxo mikaukavusou muai no nano no anu Lavuku Tavuna teinu lexe,

“Anu muvelunu iaiama noxou mu'oki mulai noxi'a ta mitema ane'i i'a lavuluti uasi.
Xe 'ilixo muisalili noxou ne uxolu utotomu mo ukalu uasi.”
10 ^dMo Lataua anu e uveluvelunu mii ngiangiaxu ulai noxou mitema sou utounu xe veleti sou ta'ou ne uvelunu mo u'oxo tilanu tanixu mii ngiaxu noxinge mo u'ana'ananixu kokoli sou 'ilixo muisalili noxinge ne kalumo utelai u'oki. 11 ^eNgingi ne u'oxongengi ngaxali loxo ta mitema sou lavuluti no anu vote'i piena ukalusi la sou ngingi ngamomomo sou ngaiaiama u'oki no anu mimii ukalusi, xe loxo nexi talaixu iaiamamengi maninasou ne la sou ta mitema tavu'alo ilemolu laixe ulai noxou Lataua.

12 Xo xaixai sou iaiama ane ngingi nga'oxonu 'o ne, anu loxo ngaiti'a sou umomomo sou mii ma'ia ane'i i'a uasi, ia anu uxali uatu no anu vaikala piena sou vaikala laixe ulai noxou Lataua kalumo. 13 Xo tava'u no anu xaixai sou iaiama noxou Lataua ane 'o e ngingi ngemaxaingexu loxo ngingi ngamulinu vaikala lamana sou a'alo laixe sou Kalisito, mo sou iaiama maninasou noxinge no anu lavilelu noxinge ngongi'a mo noxi'a ta mitema ukalusi. La ta mitema i'itinu Lataua no anu su'uli la'oluxu noxinge ne.

14 Xe no anu lakilaka noxi'a singe la tane'i ulai noxinge, xo tava'u no anu alauna tatila manina ane Lataua mulosinge ne. 15 Vaikala 'osa'osa laixe ne ulai noxou Lataua sou iaiama noxou ane vaikala umomomo sou tavikala vile no anu la uasi ne.